34w啦

   今日已經34w啦，就嚟可以同大細B見面啦，今日去咗QE產檢，醫生話BB而家大約各5磅左右，醫生今日亦都幫我約定開刀時間啦，本來佢話要年30開刀，因為新年後沒位爆晒啦，我同醫生講:唔係喎上次個醫生話可以新年後咖佢仲話唔會無位，經過一輪交涉之後醫生最終定實2月5日開刀，前一晚4號入院，好嘢，終於可以過埋年，希望兩小B合作啦，另外姑娘比預約紙我嘅時候同我講，話同我講聲孖胎係無得老公陪產嘅，雖然係有小小失望，不過算數啦，平咁多都唔好要求太多啦，開心期待兩位小馬女嘅來臨^^

新年快樂

       2013年仲有幾個鐘就過了，喺2013年嘅心情同經歷起落都很大，好感恩上天喺我最無助和心灰意冷嘅時候送咗一份好珍貴好珍貴嘅禮物比我，令我嘅人生變得豐富了，令我往後嘅生活從此變得不一樣，我知道我好幸運好好彩，有幸感受做媽媽呢個機會，我都知好多戰友仍在努力、克服、嘗試當中，希望你地唔好放棄，亦都希望你地早日如願，新年快樂!!!!

30W

   今日去咗QE覆診，醫生同上次嗰個係一樣的，但係天與地嘅分別，可能醫生今天心情好好，對我嘅檢查認真了很多，亦帶了不小驚喜給我，一瞓底照肚醫生已經問我有無邊到唔舒服，我講咗比佢知我個肚呢排成日痛，佢望完之後話都是係正常的，照埋BB睇下佢地點先，照咗一陣度下頭仔肚仔，佢話兩個B磅數都好平均，大約2磅6到，跟住佢叫我放心啦，兩個B都好活躍好健康，非常好，我聽完都放心晒，突然間醫生比咗個4D我睇，話睇下似邊個啦，我同老公見到都勁開心，無唸過政府會比4D我睇，見到女女個樣好似好精緻喎，老公話似我喎HAHA....之後醫生叫我下床，突然間問我有無唸過想順產還是開刀呀?我以高8度聲線問醫生:可以比我選擇咩?醫生話係呀，你孖胎可以比你自己選擇，我再問醫生:真的嗎?醫生答係，我真係覺得好驚喜，點解會咁嘅，我地有位BOLG友:沙浪小姐，佢剛剛喺瑪麗醫院生咗對孖仔，佢話醫院一直都要佢順產，無得選擇咖，到佢36週時見醫生再問可唔可以開刀，醫生都唔比，所以我下次覆診一定要再問得清清楚楚先得......醫生約咗我24號覆診!

     我問老公點算好呀，我地喺仁安落咗訂喎，但係如果QE同我開刀可以過埋年先開，呢個係我最大考慮因數，因私家要我年30開刀，我明白私家當然唔想亦唔會新年後幫我開，因佢地大陪分放年假都放到初8，因為之前真係無唸過政府會比我選擇，所以一心唸住去私家生，當然肉痛咗好耐先下到決心啦，不過老公話等下次去再問清楚先，如果QE真係幫我開刀就去QE好D，因為佢想BB喺我個肚耐D，同埋無咗1萬元訂，但唔洗攞多9萬出嚟好化算，一D都無唔底喎，又好似有D道理，我剛剛聽到一個孖B媽媽講，佢上個月喺仁安生咗對孖仔，最後埋單要15萬，我聽完真係有D驚，追問佢點解，佢話原本生孖B係10萬，但孖B出世後要瞓箱，其實只係好小事，孖B只係瞓咗5日箱仔就已經比多5萬，其實一日係$5000，兩個B咪一萬囉，佢話當你去到嗰刻根本唔會要個B搬來搬去入政府，為有比，咁樣真係大失預算，不過呢D嘢真係無人知，亦都預計唔到，聽完更加想缩沙....

29w肉照

     今日29w啦，d日子又開始慢起上嚟，因為呢兩日個肚下邊成日都痛，瞓覺又痛，成日都瞓唔到，我問過d朋友佢地話係咁嘅，叫我唔洗擔心，同埋我12號都見醫生，到時再問下醫生先，之前同bolg友mimi吉講我28w到放張相上嚟比佢睇，而家分享下比大家睇我張肉照先^^

不懂安慰

        今日聽到我一位要好朋友嘅壞消息，佢和老公不設房已經有一年了，因為自己有經驗嘅關係，早喺半年前我已經開始叫佢做檢查，好好彩我呢位好朋友一切都正常，不過佢叫佢c6驗精，c6一直都唔肯去驗，直到最近已將近人年時間仍未有聲氣，朋友一直問我會唔會真係c6d精有問題，我一直安慰佢，一日未驗一日都唔好打定輸數，可能無事呢，但其實我內心一直都覺得好大機會係d丁丁有問題，直至最近佢老公終於肯去驗精，等結果呢兩人我亦好緊張，因為我清楚知道我呢位朋友無能力及心理亦無可能會做到IVF，而政府亦唔會同佢做，因佢排得政府嚟已經過咗可做嘅年齡，所以我真係唔想佢有咩問題，亦唔想佢受我所受嘅苦，所有我真係好緊張，結果出咗嚟，朋友老公d丁丁個活躍度唔夠，其他都ok，咁亦則係話佢唔須要做到IVF呢步，IUI都幫到佢，咁樣都好D，唔係最壞嘅情況，但係我朋友當然好唔開心啦，作為過來人嘅我竟然唔識得點安慰佢先對佢係最好的，同佢講唔好放棄?叫佢睇下我而家咪幾好?我應該講咩說話去支持佢呢，我怕觸動到佢，你們明白嗎?我想搵返一D做IUI嘅BOLG友，比佢睇返人地嘅BOLG同經歷等佢唔洗害怕同迷茫，但係呢個BOLD根本就好難睇返，希望佢自己找到可出發嘅出路啦......

27W政府產檢-飲糖水

    11月21日又係一早8點鐘去到QE，前一晚12點後唔準食嘢，只可飲水，經過上一次經驗之後我一起身就飲咗好多水，去到QE姑娘同我抽第一次血，OH...都係話抽唔到，但支針一攞起D血就出來了，姑娘同我講唔好意思，我地為有再抽過，都係同一姑娘，事件又案件重演，好彩抽第二次抽到，抽完之後立即去格離房飲糖水，今次無第一次飲完咁辛苦，如是者等咗兩個鐘後再抽第2次血，期間我入咗房見醫生，由於我孖胎關係，每次政府產檢都會見醫生同照BB'S，呢個醫生完全唔掂，我指住個肚某一位置同醫生講，醫生我呢個位點解成日都痛嘅?怕唔怕咖?有無事咖?醫生望都無望我就話，駝兩個係咁咖啦，正常咖....會唔會有D求其呢，你望下我指住邊到都好呀大佬，佢咁嘅行為我已經無心機再睇落去，就係咁就完成咗一個有D求其嘅產檢，約咗3星期後再回去檢查，明天收唔到電話，如無意外就正常啦!
   
     做完產檢之後同老公去咗一田掃BB用品，迫到呢，都唔理得咁多，我買咁多嘢平好多嘛，是日買咗奶瓶8-9安士8個、4-5安士4個、消毒奶煲、奶瓶拑、暖奶器、嬰兒床、床圍、BB車、揹帶、仲有好多好多....數之不取.........衝呀^^

私家產檢

        好耐無寫BOLG啦，講下自己嘅近況先，11月12日嗰日去咗私家嗰邊做產檢，2小B一切正常，醫生話2小B女而家大約重2磅幾，如果進展一直良好去到生嗰時2小B應該會有5、6磅，如果係咁就太好啦，我最近聽好多孖B媽咪講返嘅經驗都係唔足月出世，好擔心B女嘅健康，希望2小B一直叻叻落去，未到36週都唔出嚟住HAHA，同埋我私家產檢已經再無找DR.SO啦，因為佢無期同我接生，不過佢都好好，最後一次產檢時都好有耐性同我講要注意D咩，小心D咩，唔好做D咩，同埋我之前睇新聞發現原本劉華夫婦都係睇DR.SO咖，DR.SO咁叻又一D架子都無，我都好有幸自己誤打誤撞之下遇到呢一位好醫生。不過話說回頭，喺DR.SO到做產檢係超超超貴，我嗰次喺佢自己診所做產檢，埋單要$2100，我心尺到呢，事後我同老公講返，好采SO醫生唔同我接生，如果唔係咁落去要破產...哈哈哈

        講返我而家睇嗰個私家醫生係朋友介紹的，叫盧永傑醫生，朋友剛剛找佢接生完都唔錯，手細幾好，產檢收費亦算合理，大約$800到，我原本唸住如果DR.SO唔幫我接生我就會去QE生，之但係係因為我一直以為我孖胎QE會同我開刀，但原來唔係我，我問QE佢話一般情況下係要我自然生，唔得先會開刀，經過我地一段時間嘅考慮後決定唔博，所以決定去私家找盧醫生幫我開，當然2小B要夠36週先可以去私家生啦，如果唔係都要去返QE的，所以我前兩日去咗仁安落咗一萬元訂留床位，又幾好喎，仁安嗰到話，如果到時我36週前生的話係一定要去返政府生咖嘛，咁佢地會退返$9000比我咖喎，唔錯唔錯，用$1000買多個保險令我安心咗好多^^