11月21日又係一早8點鐘去到QE，前一晚12點後唔準食嘢，只可飲水，經過上一次經驗之後我一起身就飲咗好多水，去到QE姑娘同我抽第一次血，OH...都係話抽唔到，但支針一攞起D血就出來了，姑娘同我講唔好意思，我地為有再抽過，都係同一姑娘，事件又案件重演，好彩抽第二次抽到，抽完之後立即去格離房飲糖水，今次無第一次飲完咁辛苦，如是者等咗兩個鐘後再抽第2次血，期間我入咗房見醫生，由於我孖胎關係，每次政府產檢都會見醫生同照BB'S，呢個醫生完全唔掂，我指住個肚某一位置同醫生講，醫生我呢個位點解成日都痛嘅?怕唔怕咖?有無事咖?醫生望都無望我就話，駝兩個係咁咖啦，正常咖....會唔會有D求其呢，你望下我指住邊到都好呀大佬，佢咁嘅行為我已經無心機再睇落去，就係咁就完成咗一個有D求其嘅產檢，約咗3星期後再回去檢查，明天收唔到電話，如無意外就正常啦!
做完產檢之後同老公去咗一田掃BB用品，迫到呢，都唔理得咁多，我買咁多嘢平好多嘛，是日買咗奶瓶8-9安士8個、4-5安士4個、消毒奶煲、奶瓶拑、暖奶器、嬰兒床、床圍、BB車、揹帶、仲有好多好多....數之不取.........衝呀^^
一田。。。又特價日？你托2 個都搶到咁多嘢，勁！
回覆刪除哈哈，係呀，平好多嘛
回覆刪除一田周末真系好多人嘎，簡直逼爆。我會鐘意選擇閑日去果度買耶。
回覆刪除公家產檢咁求其，你會唔會去私家檢多次？
我兩邊都有做^^
刪除醒目！
刪除咁逼你都去, 唔驚逼親BBS. hahaha....
回覆刪除唔怕，我攬實個肚迫入去^^唔見你個bolg有寫嘢嘅?你近來點呀?
刪除早輪公司網絡block曬, 無得上, 黎輪又無乜心情...., 好多野煩...... 所以無寫過野. 好期待你2個B女出世呀, 好想快啲見到佢地. 快啲過年啦. hahaha.....
刪除好野好野, 好期待見到2b女呀, 你同佢地買靚衫扮靚, 一定駛唔少$, 哈哈!
回覆刪除哈哈...已經買咗好多，我媽叫我好收手啦...haha
刪除