閃閃 x 2 (好感動呢)

          今日2點去到偉澤，等咗個幾鐘先見到醫生，我都唔記得醫生貴姓，只係知so醫生放假，今次見呢個醫生替更，所以都唔係問咗好多嘢，3:30到姑娘叫咗我入房，準備見醫生，醫生一睇話我粒朱古力瘤仲係好大，有4cm左右，不過已經比上次細咗小小，再找閃閃，呢個時候醫生同我講:你有2個baby喎，我再問醫生係咪真咖?我驚我聽錯，醫生話:係呀，數比你睇，喇，睇住啦，一個bb，一個閃閃，第二個bb，第二個閃閃，我嗰刻即刻捉住老公隻手，真係好感動，我無唸過上天會一次比兩個我，好感恩，好感恩，醫生話bb大小同週數比例吻合，而家係6w5d，18號返去再睇bbs，到時9w，so醫生亦都回來了，離開醫生房之後，有幾個姑娘係由我第一次上去到而家見證住我的經過經歷，嗰幾個姑娘分別都過來恭喜我、抱我、捉住我隻手話好登我開心，嗰刻我好感動，覺得好溫暖，我睇得出佢地真係好開心，有個姑娘話呢排so醫生好旺，除左我之外有2個都係bbs都係so醫生做嘅，so真西利
。
          仲有一d問題姑娘叫我18號回去見完醫生就要決定係邊到生，我話，吓咁快要唸，姑娘話私家定政府你仲可以慢慢唸，但政府你要唸定一間，佢問我住邊區，我話屯門，姑娘立即唔贊成，佢話屯門出名差，佢本人比咗個意見我作參考，佢話私家佢就唔見意咖啦，因為我係bbs風險會高d，1.私家嘅設備同儀器無政府咁好，2.而且bbs多數會早產，如早過34週私家唔可以做，3.太貴唔化算，一定過10萬，4.因為係bbs關係私家or政府都會幫我開刀。其次就係佢建意我去QE生，佢話QE幾好唔錯嘅，佢話18號一定要決定一間政府咖啦，如果唔係好多嘢都排唔切驗，各位有咩高見或睇法講嚟參考下呀