，不過so醫生好好，知我地等咗好耐，所以無論周嘉醫生點樣吹佢佢都唔理，好有耐性咁解答我地每一條問題
，講返同bbs見面先
，今次係照肚，照完第一個b，so醫生講解邊到係頭、手、腳、閃閃比我地知，因為bb返轉咗身所以唔係好清楚，有2.6cm...正常
，到第二個b，今次so醫生未講解比我地聽，我同老公已經好開心喺到笑，因為bb面向上，見到佢手仔腳仔係咁yo，好似喺到跳舞咁好得意
，姑娘醫生都喺到笑呀B活躍，2號呀B都係2.6CM...正常
我最擔心嘅都放鬆晒，之後日子要開心咁感受懷孕奇妙樂趣先
。由於一連串問咗SO醫生太多問題，我都唔太記得自己問過咩，最主要係問醫生我粒朱古力瘤會唔會影響BBS嘅成長
，醫生答我應該唔會嘅
(咁有保留嘅)，不過都唔好唸咁多，仲有問醫生可唔可以坐FIL機及坐船，HAHA問定姐，醫生話4-6個月可以，其他時間就唔好啦，我再問點解我個肚到而家仲會有時痛同扯住、仲有D尿好黃，醫生話尿黃係我飲唔夠水，至於痛同扯住都係正常，只要唔係痛到頂唔順就OK
，醫生仲話我29-33W係最易早產，到咗嗰段時間就最好休息多D，過咗嗰段時間就安全咖啦。原本係咁....唔該醫生
之後我仲有問醫生可唔可以找返你做產檢，醫生有D誤會立即問我:你預產期係2月喎
，你再唸清楚先啦，登記咗政府醫院先，我未必得閒同你接生咖，不過如果你唔介意嘅我可以找其他醫生幫你接，我同醫生講我再唸下先
，但首先可唔可以找你做產前檢查，佢話可以，你叫姑娘幫你約啦，臨走我又再一次同SO醫生講:MR SO多謝你，其實我主要係想SO醫生幫我做返產前檢查，至於接生如果唔係SO醫生我一定係去政府，之後聽返姑娘講我預產期近新年，SO醫生多數唔喺香港，原來如此，咁我更加唔洗心大心細，一於去QE
。離開偉澤後第一時間去翠華食個海南雞飯先
，跟住就同老公去埋QE登記，立即約我27號回去做唔知咩檢查
，要驗血嘅，由於個登記姑娘態度麻麻，我唔敢再問落去係做咩檢查，因為我問咗佢兩次，佢答我答到我係跟本聽唔到佢講咩，佢開始有小小想開我拖
，所以我無再問落去，總之27號返來就係啦，私家與政府分別真係這麼大
。另外姑娘幫我約咗8月9日去SO醫生到做OSCAR，我問姑娘，唔係政府有得幫我做咖咩?點解SO醫生到又做嘅
，姑娘叫我喺SO醫生到做好D喎安全D，各位SIS你地覺得係咪呢??要錢咖喎，如果差唔多唔洗比多幾仟做啦係咪呢?
F
回覆刪除