放胎後的-第8天

   今日一早去見勞醫生，佢照完我個肚之後話好多水，要返偉澤到吊兩支蛋白，我同佢講前日個肚仲係30，昨日就31，今日已經係32啦，個肚好像想爆咁，成晚頂住好痛所以訓得唔係咁好，不過如果係好事我一d都唔介意咁唔舒服囉haha...醫生話吊完蛋白會好好多，話我而家肚脹可能係之前打嗰支安胎針影響，如果吊完蛋白之後無再脹呢代表我唔中獎，如果吊完仲有小小脹就係中咖啦

   結果去偉澤吊嗰兩支嘢又要$2000，星期六又要見醫生，28號返偉澤驗血，緊張萬分呀，頭先經過萬寧忍唔住買左支曼仔驗孕棒先返工姑娘叫我唔好偷驗，但係我見d sis全部都偷驗都好準嘅，所以唸住26號偷驗下，其實勞醫生比左好大信心我，但係到現在為止所有大肚婆嘅積像都無，所以都唔敢唸得太開心住.....