放胎後的-第5天

    今日返勞醫生到覆診，去到個姑娘問我有無肚谷谷嘅反應，我話無，姑娘再問個肚有無唔舒服，我就再答姑娘除左有時有一兩下肚吉吉之外其他咩感覺同反應都無，姑娘個樣係有個問號有d唔相信亦有d奇怪咁，我見佢咁樣自己都有d擔心，我夠竟係咪已經無機會啦....

等左一陣終於見到勞醫生啦，醫生都係問我有無肚谷，我亦如實答無啦，跟住醫生就幫我照個肚，佢話我子宮內膜有20咁厚所以都ok喎，只要係厚過之前就ok，我當然其實唔係好明啦，但我照答醫生:哦!係呀!
醫生話我去偉澤打半支安胎針就可以啦，如果過兩日個肚谷住谷住呢就代表係中左，如果咩反應都無呢就唔中囉，下....咁樣好緊張囉呢兩日會，BB你比d反應媽咪啦....你要努力加油呀!

   最後醫生叫我星期六反去覆診....再睇下點喎.............