喺到同大家講句 聖誕快樂先，希望大家出年都多咗一份寶貴嘅聖誕禮物
M小姐真係準時到無朋友，25號果真要迫埋嚟一齊開christmas party，真係唔知醜，由於25/26都係紅日，所以我今日先打去偉澤通知姑娘，等佢地幫我安排做放雪胎，點知.......姑娘同我講，佢計我排卵嗰段時間勞醫生唔喺香港，所以好大機會今個月做唔到要等下個cycle先，但計返我排卵，下個cycle又撞正中國新年，所以好大機會要到3月先正式再開始，真係激鬼死我啦，我個心情已經準備晒啦嘛，而家成盆冷水潑埋嚟真係無晒心機
姑娘依然叫我明天去見佢，攞定d嘢返去驗排卵喎，我為有照做啦，不過真係唔多開心囉，時間對於我地嚟講真係好寶貴咖嘛，雖然只係等多兩個月時間，但我真係一個月都唔想浪費囉，姑娘仲話如果你一定要今個月做，一係你轉個第個醫生放胎囉，咁即係點呀?我可以點呀?
今日有個客人來找我，是一名28歲嘅女仔，我們計埋今次已經係今個月第3次見面，但係佢每一次入來我鋪嘅時候都一大浸煙味，所以我好肯定佢係食煙嘅，而重點係佢有咗3個幾月
，今日臨走嘅時候仲留底咗個火機喺佢個坐位到，我以前都係食煙之人，但當我想要小孩嘅前兩年已經介煙，而我當其時介煙真係為咗將來要生bb，唔想有太多尼古丁喺我身上面影響個bb，當我成功介煙一年之後我先開始準備唔再避孕，先準備生bb，當然嗰時係唔知自己無得生咖啦，所以我唔明呢位小姐點解大住個肚仲食咁多煙，就算佢唔明白想要一個小孩唔係一件容易嘅事，佢都應該知道母體食煙係會好影響個小孩健康，所以我內心有些看不過眼，其實你有咗bb唔再食煙都係母親 應該要做最基本嘅事，你是否應該盡返一個做母親最基本要做嘅責任呢，希望你能珍惜你所擁有嘅，盡快介煙吧!
剛過完自己第32個生日，老公送我一個cake，朋友送我一個cake，可以許2個願望，當然我唔須要講大家都估到我個願望係咩啦，我好誠心咁喺兩個cake到許埋同一個願，希望可成真，我今年生日過得好平靜，生日前一晚邊到都無去，只係同老公二人度過，正日嗰晚就同幾個好朋友簡簡單單食飯就走啦，我都唔周圍去，一來無咩心情，二來覺得自己又大一歲旦都無隻無咩好慶祝，唸唸下仲有種失落感，當然悲傷嘅心情我無比佢繼續惡化落去啦，只係自己心底裡的確係咁唸姐，而呢d嘅說話亦無法同你身邊嘅人講掃佢地同你做生日嘅雅興呀嘛
下個月要做放胎啦，而家心情有d緊張，呢排d天氣又大上大落，好驚自己病會影響進度，所以有理無理都著多d衫囉，今日感覺到m小姐嘅蠢蠢欲動，應該會喺嚟梗呢個普天同慶嘅日子大駕光臨 ><
好開心終於有bolg友回應我啦，之前唸住寫bolg認識多d同路中人，因為自覺無親身經歷嘅朋友、家人都唔明白我嘅內心感受，但一直寫bolg都好似找不到其他bolg友嘅聯係，亦因為我其實係唔識得點樣去睇去找一些同路人嘅bolg，只有有bold友留言比我我才睇到你地嘅bolg，多謝你地嘅回應^^我會多d上來咖啦
第一次ivf正式結束啦，係失敗嘅結束，驗血佈告亦已出了，好在無事，昨日痛到行都行唔到，第一次痛到想死，個子宮好似想爆開咁，好驚訝，所以我忍唔住一次過食左4粒特效必理痛，嗰刻痛到真係唔理得咁多，食完之後就好小小啦，但亦輪到d藥可能勁過頭，開始有d雲雲地同想嘔，仲有m小姐又無啦啦無咗，我嗰刻亂到死，好驚自己係宮外孕喎，好采最後無事，周醫生話我可能之前用藥嘅關係所以塞住左，只要m小姐流到出嚟就無事咖啦，果然係...之後m小姐再出現返，痛嘅感覺亦慢慢好起來了....
總結第一次 ivf嘅費用先:
IVF PACKAGE $88000
驗血 (女) $900
驗血 (男) $800
抽卵當日麻醉師 $4000
抽卵當日吊蛋白2支(ALBUMIN) $2000
雪胚胎(1年費用) $8800
再吊2支蛋白(ALBUMIN) $2000
驗孕 $100
葉酸 $50
總數=$106,650-
M小姐今日終於都出現啦，個夢發完啦，要醒啦，一見到M小姐第一時間打去偉澤，唸住聽日唔洗返去驗血啦，點知姑娘要我返去驗
都唔知仲驗嚟仲咩，不過算啦，返就返啦....
聽日要問清楚姑娘嚟梗要點做，幾時再可以開始第2次IVF先...要幾錢...點解今次失敗....知唔知失敗原因....下次再做又有縛多機會呢....但係唸唸下問嘅好像全部係廢話...無人會答到我呢D問題囉應該=_=
個肚而家開始劇痛呀help....有咩留返第日再講....我而家只係想講%$*&@^%*#
今日M小姐還未來，但m痛依然存在，我已沒有什麼期望了，只是想m小姐快d來，令我能夠有個新開始，我唸係用藥嘅關係，所以m小姐未出現，如果星期三還未見m小姐，我去唔去偉澤驗血好呢? 我唸我會去驗的，因為費用已包括埋，至於我支驗孕捧我係唔會用咖，無謂浪費金錢。
今日個天氣令到我覺得極之眼訓，好想放假，好想訓覺，好想去血拼買嘢，衫、褲、鞋咩都想買，但係為左生小孩已經洗了很多錢了，所以唔想咁大洗，為有忍啦，因為下次放胎又唔知要用幾錢啦.....呢個世界咩都講錢，點到我唔現實呀，洗錢容易搵錢難，雖然我喺我d朋友當中已比較幸運嘅一個，唔洗為錢煩惱，但係亦唔係老豆老母大把錢嗰d，我和老公今日所有嘅全部係我們努力辛苦搵回來的血汗錢，亦好采奶奶曾經幫過我們一把，所以洗咁多錢當然係會肉尺啦，如果到最後成功嘅真係咩都值返晒，但如果.......唉.....唔好唸...
到今日為止m小姐前嘅陣痛依然存在，我唸今次嚟m一定極之痛，我而家只想m小姐盡快出現，唔好折磨我，如果你已準備出現，請盡早出現比我死心。
今日心情依然沈重，個心依然好實唔舒服，由其上fb見到朋友仔一家3口嘅相片，唔知自己有無咁嘅機會，還有一些朋友係大住肚咁過生日，覺得呢個生日好特別，因為已經感覺到bb同佢一齊過生日啦，我都下個月生日，我都好想能夠有個咁特別嘅生日，我真係好羨慕呀，我覺得佢地好幸福呀，呢個感覺，呢種幸福我何時會有....等待中
今日陣陣嘅m痛feel依然強烈，一大早去見勞醫生，我同勞醫生講返我呢兩日什麼肚脤都沒有了，成個人好像輕晒咁，只係得返d m痛feel，醫生隨即話oh....唔係好事，再同我照肚，佢話係喎真係咩都無晒，都照驗下孕啦，我話好當然驗完出嚟都係無啦，姑娘就叫我28號再驗，話而家早左幾日可能唔準，我知道呢d都係安慰我嘅說話，我亦都無放在心，只係唔明白中間有咩問題令到bb無法成長=.=
唔開心一定有，但又無好好好唔開心，我都估唔到今次嘅失敗自己可以咁平靜，無想喊嘅感覺，只係個心有d唔舒服，唔開心，同埋今日唔係咁想返工，我唸我個期望一早放晒落下一次放胎身上，我一早有心理準備知道唔會係一次就得，如果一次就中嗰d真係好好好好采，所以今次先可以咁平靜，反而我睇得出老公唔係咁開心，因為由day 1 開始佢就覺得做ivf一定得，仲要係一放落去就得，所以佢滿有信心之下咪好失望囉，仲問我點解會咁，我真係答你唔到，我都想知....=-=
醫生話今次唔中要停一個月，即係話要2013年先做可以放雪bb啦，都好，呢個月我要好好放縱大吃大喝...哼...
今日心情非常非常之沈重同低落，因為由昨晚開始到而家所有肚脹無晒，隨之而來嘅係一陣陣嘅 M痛feel，我同我d朋友講，佢地話就算有左都會有谷M feel，但我自己好清楚呢種唔係谷m feel，係嚟m前就開始痛嗰種feel，我雖然知道ivf唔會係一次成功，心裡明白，但到要接受現實時確係困難，亦唔想去接受。
明天要返勞醫生到覆診，其實已經唔想返啦，知道就嚟都嚟m仲返咩呀，浪費時間。之前睇嗰個水晶佬話我今年一定唔會有bb，唔通又比佢講中，我相信嘅係上帝，點解又要去睇水晶佬，係因為當初嘅迷失，既然係咁又何必在意他的說話，但事實又的確在意，矛盾....
今日一早去見勞醫生，佢照完我個肚之後話好多水，要返偉澤到吊兩支蛋白，我同佢講前日個肚仲係30，昨日就31，今日已經係32啦，個肚好像想爆咁，成晚頂住好痛所以訓得唔係咁好，不過如果係好事我一d都唔介意咁唔舒服囉haha...醫生話吊完蛋白會好好多，話我而家肚脹可能係之前打嗰支安胎針影響，如果吊完蛋白之後無再脹呢代表我唔中獎，如果吊完仲有小小脹就係中咖啦
結果去偉澤吊嗰兩支嘢又要$2000，星期六又要見醫生，28號返偉澤驗血，緊張萬分呀，頭先經過萬寧忍唔住買左支曼仔驗孕棒先返工姑娘叫我唔好偷驗，但係我見d sis全部都偷驗都好準嘅，所以唸住26號偷驗下，其實勞醫生比左好大信心我，但係到現在為止所有大肚婆嘅積像都無，所以都唔敢唸得太開心住.....
由琴晚開始我個肚就一直谷到而家，好開心有呢個感覺，但又唔比自己太開心，怕希望大失望大啦，所以不停同自己講肚谷亦唔代表D咩，今日打左比勞醫生，話比姑娘知個肚好谷，姑娘叫我明早10點要比醫生睇下，我當然無問題啦，睇下醫生講咩先....
昨晚同老公D同學仔食生日飯，見有個同學嘅老婆個肚已經好大啦，見到佢個肚又羨慕又開心，希望下次同佢地出嚟食飯大肚嗰個係我啦佢地仲比左D超聲波BB相我睇，但我完全唔識睇，只係識睇一張，就係影BB嘅性別，呢張我一睇就明，因為係仔仔嚟咖，所以好易睇WAKAKAKA.....
今日個肚依然未有咩動靜，仲未有肚谷嘅感覺，呢兩晚都有用熱水浸腳，希望盡下人事啦...幫補一下....bb 加油呀
今日有位朋友SEND信息比我，我睇完之後個心都沈左一沈，呢個朋馳就係當人同我一齊睇水晶佬，亦都係我第一編所寫嘅BOLG迷信，當日我同呢個FD去睇呢個水晶佬，佢會計完之後會話我地知點點點....其中一樣就係話我呢個FD會無左一個BB，當時聽完都不以為意，事隔一個月到嘅今日，我呢個朋友同我講佢有左，本來係一仵好開心嘅事，點知醫生話佢係宮外孕，要立即做手術仲要切左一邊嘅輸卵管，真係點會咁咖，事後個FD仲要講返比個水晶佬講中左，我先醒起...真係有D驚驚
今日返勞醫生到覆診，去到個姑娘問我有無肚谷谷嘅反應，我話無，姑娘再問個肚有無唔舒服，我就再答姑娘除左有時有一兩下肚吉吉之外其他咩感覺同反應都無，姑娘個樣係有個問號有d唔相信亦有d奇怪咁，我見佢咁樣自己都有d擔心，我夠竟係咪已經無機會啦....
等左一陣終於見到勞醫生啦，醫生都係問我有無肚谷，我亦如實答無啦，跟住醫生就幫我照個肚，佢話我子宮內膜有20咁厚所以都ok喎，只要係厚過之前就ok，我當然其實唔係好明啦，但我照答醫生:哦!係呀!
醫生話我去偉澤打半支安胎針就可以啦，如果過兩日個肚谷住谷住呢就代表係中左，如果咩反應都無呢就唔中囉，下....咁樣好緊張囉呢兩日會，BB你比d反應媽咪啦....你要努力加油呀!
最後醫生叫我星期六反去覆診....再睇下點喎.............
到今日為止都無咩太大感覺喎，除左個肚有時吉吉地之外，無sis所講嘅肚谷、胸脹、胸痛、多尿、大食，咩都無
終於喺11月14日放咗胎啦，最後用得嘅共有11個，有7個g1，4個g2，醫生話恭喜我有好多g1，好多都好靚
今次用咗1個，仲有嗰10個就雪住佢留返下次用，希望生完先再用啦，雪胎費用一年要$8800，我放完胎後休息咗2日無返工。
到現在為止無好大嘅感覺，我自己都比平時小心，行路又慢d，坐底又輕力d之外都無咩特別，同埋個肚有d吉吉地，條腰有d痛，希望一次成功啦。
19日，星期一返去見醫生，可能要打安胎針，希望一齊都順利啦........
昨日去左偉澤抽卵，共抽到18粒卵，明天就放胎啦，而家心情十分緊張，醫生話因為我抽得多卵，怕我個肚會太脹，所以明天只可放一個胎，仲好，唔洗煩放一粒定兩粒haha，希望一切順利順利啦。BB...BB...我聽日帶你返屋企啦...
昨日老公要放精，最終都係決定喺屋企搞掂攞過去，當完成左之後就快快出門口啦我地，老公話今日有d緊張，所以比較耐先搞掂，仲話好采無喺嗰到交，如果唔係可能仲緊張，點都好啦，都成功交完功課，安樂晒!
而家要放鬆心情，等待明天
今日又見勞醫生，勞醫生幫我照旦、抽血後已鐵定11月12日抽卵，醫生問我想放一個定兩個胎，呢個問題已困擾我2天了，又想放兩個感覺多個機會，又驚咁好采兩個中晒自己駝唔穩，因為自己身體又唔係十分健康又唔係好唔健康，不過自己又有輕型地貧及血色素偏低喎，所以真係心大心細，十五十六...頭痛
另一樣嘢就係偉澤姑娘問我抽卵當日要唔要麻醉，不過麻醉要加$4000，又考起我啦，我真係唔知要唔要喎，醫生話我聞完氣就瞓左，之後就會做抽卵，但姑娘又話驚我痛醒，所以要麻醉師在場，
自從前日見完勞醫生之後開始一日打兩針，個肚好多地方已經有傷口，有輕輕嘅痛，今日打針已經開始唔知打邊個位好，我開始明白到之前睇bolg sis講嘅感受同感覺，我開始擔心失敗後嘅路，我開始明白點解d sis失敗左之後會想休息兩三個月什至乎更長嘅時間先再開始，因為想等個肚d傷口復原?還是日日要打針隔日要覆診所以好累?還是再害怕面對失敗?我相信好多好多樣嘢加埋嘅傷害，所以要休息。
有時自己會唸，人地生仔咁容易，自己要洗咁多錢受咁多苦都好，無問題，我亦都唔介意個過程有幾辛苦，我只係想要個美滿嘅結果，唔知上天會唔會比我呢?
明天又要霞診啦，勞醫生話照埋聽日旦旦就可以決定到幾時抽卵啦.....望一切都順利啦
好緊張呀!如無意外下個星期就會見到M小姐啦，亦都係我開始ivf嘅路，個心好忐忑呀之前以為自己可以平常心，但原來去到呢刻先知自己咁緊張，個心跳得好快呀help....
講返我點解去睇婦科先:當我發現自己努力左一段時間都未能懷孕時我就去左仁安睇婦科，我足足睇左一年嘅時間，其間她只是開排卵藥比我叫我返去再努力，再過半年還未有聲氣就加埋打破卵針，其實每次睇完個醫生都有D嬲，因為佢只係會叫我返去再努力及開藥比我，至於我唔明白嘅問題每次都解答唔到我心中嘅問號，
列如:me問: 醫生點解我驗唔到我有排卵嘅? 醫生答:睇你D溫度唔似無排卵喎。
ME問:但係我驗左幾個月都無喎? 醫生再答:應該唔會，返去再努力啦。
如是者就浪費左我一年嘅時間，我唔甘心，所有上網不停睇人地D BLOG，最終見到好多SIS對偉澤嘅評價都幾好，所以就打左去約，姑娘話第一次要見左胚胎專家DR.周先，收費$1300，我當時心唸咁誇張係咪騙人咖，見一見胚胎專家都要收咁貴，點知見完之後我覺得呢$1300好值好底，喺大約30分鐘嘅交談裡面我已經明白左我一直唔明嘅問題同好清晰嘅方向，周醫生問我驗左A、B、C未? 我答未。 周醫生話點解仁安未驗清楚你嘅問題所在就去食排卵藥、打破卵針? 我當然唔知點解啦!我睇得醫生一定信佢啦，佢開咩藥比我我都食咖係咪先。周醫生就叫我停晒所有藥驗清楚先，點知.....一驗之下原來我輸卵管兩邊都塞晒，所以係無可能自然懷孕，成個過程喺偉澤只係一個月嘅時間已清楚知道問題所在，仁安仲叫我努力埋呢幾個月，原本仲約左12月覆診，就咁比佢浪費左我一年嘅時間，真係激死我!
當一般人去到絕望嘅時間時否就會開始迷信?我自己本身本來不是一個這樣嘅人，但是當你去到無助迷惑嘅時候總希望有一些自稱高人嘅人能夠講一些你心中想聽嘅說話從而得到短暫嘅安慰!
我一直都好想生小孩，但當我知道自己無可能自然懷孕嗰刻反而好平靜，因為自己一直對人地呢個又話有咗嗰個又話幾時生嘅消息成受咗不少嘅壓力及情緒嘅困擾，所以當我知道自己有問題嘅時候反而鬆了一口氣，但隨之而來就係要為開始ivf嘅路而緊張，一直以來都有睇開好多sis寫嘅blog，講什麼iui、ivf嘅blog通通都睇過，就係自己無開，因為之前還滿有信心覺得自己唔須要行到呢步，但現在我就要開始行呢條陌生而又恐懼嘅路，我希望我能夠在這裡一些同路中人互相支持互相都能夠明白大家當中嘅困難和感受! 所有我要寫bolg
今日返左勞醫生到覆診，今日勁多人去睇，多人到連位都無得坐，好彩好快就到我啦，醫生今日同我照下旦旦嘅進度，問我呢幾日打針掂唔掂，我望住老公話係佢幫我打嘅，醫生問佢得唔得佢仲話無難度tim
勞醫生話我有好多旦旦，所以用藥唔洗咁多，每日一針今天才開始第一針，所以今天又要返偉澤學打第一針。
到老公臨打落去嗰下我叫左出嚟，因為我見老公臨打落去嗰個動作好似頂飛鏢咁好恐怖呀