2013年8月24日 星期六

無事啦^^

                22嗰日等到下午都未收到電話,真係急到我死,醫院之前明明話最遲22號會覆我,點解仲唔打嚟,呢句說話不停喺我個腦出現,開始亂唸嘢,唔通有問題所以咁耐都唔電我,終於等到4點我忍唔住打去QE問,講咗件事比姑娘聽,佢叫我留咗我個性名同電話比佢,佢會搵姑娘打返比我,咁好啦...收線之後為有再等,等到5點仲未打嚟,我又立即打去追,因為我知佢地就收工,打到去又同返姑娘再講我嘅事,我問姑娘你地收幾點,佢話5點,我話你地收工啦都未有人打比我,呢個姑娘幾好人,同我講,咁你唔好收線啦,我幫你問下咩事啦,我話好好好,唔該姑娘,之後有個姑娘聽電話同我講,呀...唔好意思呀,你份佈告我地放埋咗一邊,以為通知咗你呀,我而家話你知....咁都得....我話姑娘我驚咗成日呀你知嘛,佢話我知呀唔好意思,我話算啦你快d話我知個結果,佢話第一個b第幾同第幾條染色體正常,要唔要知性別呀,我話一陣先啦,你講埋第二個b正唔正常先啦,佢停咗一陣...話都正常....呼....我即刻安樂晒,立即再問咁性別呢haha....佢話第一個係女...第二個都係女...我話好呀,唔該晒你呀姑娘....我立即再把呢個好消息話比c6同家人知,大家都放心晒,我知c6中意仔多d,我覺得可能佢會有小小失望,佢話真係無所謂只要健康就得啦,我都話之佢啦,總之我就好滿意啦,好嘢,終於可以同人講..我有喜了

1 則留言: