放胎-3下集

11/6   day 11   依然停止所有要做嘅活動，上班，但我心始終唔份氣，所以我下午再去萬寧買咗支萬仔驗，驗完出嚟好似有第2條線，但比較淺色，所以十五十六都唔敢肯定，但起碼有希望先，喺公司完全無心情做嘢因為囉囉攣，所以再走出去買咗支c字頭嘅電子驗孕棒再驗，等嘅過程好緊張，個心緊張到想跳出嚟咁，跟住睇到個英文字同數目字跳出嚟，寫住 pregnant 1-2，開心到講唔出口，真係好多謝mrs darcy同我講完一次又一次我咁早驗唔準，叫我唔好放棄，我只係把這個咁開心嘅消息講咗比老公同媽咪知，這個b得來不易，我真的怕她/他小氣，原本唸住呢到都唔講住，但唸真d如果唔講比d戰友知實在太對唔住你地啦，所以請你們幫我保守秘密呀，晚上立即薑水浸腳同煙分穴位。

12/6   day 12  一早煙分穴位，晚上薑水浸腳。口依然好乾，胸有小小脹，肚常有谷m feel

13/6   day 13  一早煙分穴位，晚上薑水浸腳，飲花膠湯。

14/6   day 14  一早煙分穴位，去偉澤驗血，有d緊張，等咗兩個中偉澤回電，話我今次得咗，驗到懷孕指數有7佰幾，我同姑娘講我唔識，係咪則係正常，姑娘話係，過咗第一關，姑娘約我7月2日回去照bb，打比岑醫師話比佢知，佢約我17/6針炙，穩住個胎，bb你記得要黐實媽咪呀