第一次見so醫生

           今日第一次見so醫生，因我之前要求姑娘比我放胎前見一見so醫生，我想知我有無積水和有無色肉，呢排日日一大早就要出中環抽血真係累到人都瘋，驗到今日排卵，所以後日放胎，但係今日so醫生幫我做陰超發現我有一粒4.5cm嘅朱古力瘤喺子宮，又話我內膜太厚，有成17-18，佢話子宮內膜太厚都唔係好嘅，仲同我講定如果今次放胎唔成功就唔好再放住，因為佢要我做腹腔鏡檢查，查清潔咩原因先，因為又話見到我唔知邊到有個影，之後數百字我都唔係好得聽入啦，所以唔太表達到出來，因為已經唔係好開心啦，原來仲有咁多問題，原來條路仲咁慢長，我都有問佢咁仲放唔放胎呀?so醫生話放埋今次比多次機會大家喎....好失望呀....點都好啦，so醫生比我感覺細心認真得多，亦都好耐心咁解釋比我c6聽一d都嫌佢煩，令我覺得好清晰，唔會模模糊糊，雖然聽到d唔好嘅嘢係會有d唔開心，但我反而對so醫生好有信心，因為佢比到安全感我。而家無嘢好做，為有等待放胎啦，唔好抱有期望囉

又有新孕氣啦

               記得我之前提過有個朋友宮外孕嗎?她自從宮外孕之後就一直避孕，原因是她怕再次宮外孕要切除埋餘下為一嘅輸卵管，所以她一直都未有信心再嘗試....直到早前，她再找婦科幫佢檢查自己身體狀況，醫生同佢講一切良好無問題，叫佢可隨時準備啦...佢就喺醫生呢句話之後立即行動，點知即試即有，同之前一樣，佢之前有咗都係一唔避孕即有....我真心講句...西利，真係摸下都有我聽完呢個消息真係登佢好開心，佢而家已經10週啦...醫生話一切正常...加油...加油...

針灸

               今日去咗睇傳說中嘅岑醫師，一黎佢問咗我好多問題，有d我忘記了答唁出，列如係，我之前兩次放胎後嘅子宮幾多度? 我:唔記得了，岑再問我輸卵管塞咗有無績水? 我:都唔知喎，我唸無掛，我事實有問過醫生呢個問題，但一直都無直面答我。岑醫師話我咁後生無理由兩次都著床唔到，好小會咁，我心唸...下...我三十有幾咖啦..咁都叫後生算啦...真識講嘢岑醫師
    講回正題岑醫師問我點解之前兩次做唔搵佢針，我話因此醫生叫我唔好搞咁多嘢嘛，咁而家兩次都唔得，又上網睇過你大名咪嚟試下囉佢話咁你要一星期針兩次，我會盡量幫你，佢真係好熟識我地ivf個過程，不過佢唔係我想像中咁老
.................but.......................原來要針咁多個位...............原本我都好驚下喎...............好不容易我先針完整個過程，突然有感.......做咩自己生個b要受咁多苦嘅...............咁點喎呢條路都要繼續咖啦

準備好啦

      今日個肚開始有小小谷，亦都意味著M小姐會喺未來呢兩日來揾我，我都準備好一見到你就打去偉澤，M小姐.....我今次極之歡迎你到訪，希望我今次熱情嘅招待能感動你，你10個月之後先嚟找我吧....給我休息一下吧
         話說回來，我已經決定了轉給蘇醫生做，但仍考慮梗找不找岑醫師針灸，係咪針咗有幫助呢?點好呢?同埋想問下大家，咪話要用薑水浸腳嘅，但係而家大熱天時喎，會唔會過熱?仲要唔要浸呢?

感激-同路中人

                     喺呢條艱難嘅路上，我好感激我有一班bolg友可以比我毫無保留咁講出自己心底嘅痛苦，感受，想法，喺自己無助時大力咁支持同安慰，睇下你地嘅blog有時自己又會舒服下來，亦都喺好多sis身上學到一些東西，感覺溫暖多了，平靜多了......謝謝分享某人某事.....