朋友的可愛baby

                今日同兩個好耐無見嘅舊同事食飯，想當年大家很好朋友，咩都講一餐，一齊玩、一齊浦、一齊返工、一齊玩通頂、一齊失戀、一齊笑，真係年少多好，今日大家都已成人妻個感覺好奇妙，大家咁耐無見，見返個感覺好開心，依然都係講唔停，亦都毫無保留咁講返大家嘅近況，年少時識嘅朋友覺得特別有安全感，所以我都把我現在嘅一切告知她們，她們知道我無法生小孩亦都講左好多令我舒服嘅說話，其中一人亦在早前流產，不過已是一年前的事了，她說自從這次之後未有心理準備再度懷孕，因為傷痛亦在。而另一人就已生了一名很可愛嘅baby，亦係我地今次出來見面嘅目的，我抱住呢個baby真係唔捨得放手，5個月大，點抱點玩都得，唔會小小嘢就喊唔停，我地飲茶飲左3個幾鐘無喊過，真係超like佢，眼仔碌碌咀yoyo，我相信我將來個baby都係咁可愛的，而家好想快d放胎呀，快d搬埋屋5月再放胎，baby等梗我

好忙好忙

       話咁快就去完個旅行啦，呢幾日玩得好開心好放鬆心情，但係一到返工嘅今日就有一種無名嘅失落感，心情低落，突然間好似又要面對返自己無法生小孩嘅問題，身邊D朋友小孩最近一個個咁出世，而自己仲係前路汒汒，未至於去到好唔開心，只係個心有時會乸住乸住姐
             入返正題，呢排真係忙屎人，只係睇家俬度位呢兩樣嘢已經煩死人，幾百樣嘢要搞，又唔知從何入手，真係人都顛呀，有D唔捨得間屋，同之後要面對自己日日要揸車返工有D緊張，唔知自己拍唔拍到位，好像好大轉變咁，之前又係自己話想改變下，而家有D粒水
                  剛剛M小姐來左探我，而家痛到扒街，開始唔知自己講梗咩

租樓成功

        嘩，話咁快又過咗半個月啦，呢排好忙好忙，但都要同你地佈告下個進度先我已經租到屋啦，喺媽咪附近，行兩步就到，我係一睇即租嗰隻，因為一.無第2個租盤可以睇，二.無時間比我慢慢等，三.我一唔租就已經有第個租客租，因為一日未租到地方，我就做唔到下一步嘅嘢又咁啱都好近我呀媽，所以二話不說就成交....租
              亦因為咁，我舊屋會喺4月30號交吉比人，而新屋會在3月25起租，所以要喺3月20前去旅行，因為之後要煩搬屋、買家私D嘢有排搞有排煩，話咁快我亦BOOK埋機票13號出發去轉星加坡玩下飲下食下先返來再講88