心理不平衡

     我心情依然低落，好多嘢都提唔起勁去做，心理有d唔平衡，今日已經係嚟M嘅第5日，條腰仲係好痛，個子宮仲係好脹，生到成下巴都係暗瘡(打針所致)，我好嬲，我嬲上帝咁樣對我，我嬲FB不停有人放D大肚照、BB照上去令我不是味兒，我嬲個醫生幫唔到我，我嬲個護士無安撫我、教我下一步點做，我嬲我呀媽喺呢個時候仲成日講埋一D無謂嘅意見煩我，我嬲我自己點解會係一個無仔生嘅女人....好辛苦呀，我討厭我自己

再一次失敗

           M小姐在琴日已經找上門了，終於要接受現成，呢幾日仲天真地唸住可能會有奇蹟出現，真係覺得自己好白痴，要唔開心已經唔開心完啦，可以點樣，都要繼續努力繼續嘗試咖啦，放心啦各位，我最多唔開心多兩日就會振作返咖啦，琴晚M痛咗成晚，痛到訓唔到，到天光先訓得著，唸左成晚傻事已經好累啦我連著床都都著唔到係咪身體有咩問題呢?夠竟個問題係咪喺我到呢?開始對IVF嘅信心一次比一次小，我嚟梗應該點做呢??一係睇返中醫飲返中藥調理下先囉....好亂呀....

情緒低落

                今日心情好差呀，因為個肚好唔舒服，M feel 好強烈，所以心情趺到落谷底............ 唔想講嘢......................

感覺

      點解身體上無任何感覺嘅?
      身體上無任何嘅變化及任何唔同嘅感覺喎，係咪唔好呢?
      有腰痛，不過平時都有咖喎...
      好眼訓，但係我平時又係訓極都眼訓咖喎....
      係子宮有d唔知點咁，其他真係咩都無，聽日打埋最後一支針就完結啦，我幾時先可以自己       驗孕呢?

等等等

          時間過得好慢好慢呀，數數下原來只係第5日，點解好似過左好耐咁嘅
其實除左放完胎當日休息唔返工之外，我每日都有返工，基本上我平時星期1至日都要返工嘅，除左有d私人嘢做先唔返，上次好緊張咁休左幾日息，今次認為無咁嘅必要，又或者改變下策略咁囉，如果唔係d時間仲難過。

IVF-第二次放胎

            呢排因為電腦壞咗嘅關係完全無得寫BLOG及睇你地D BLOG，我有好又多嘢要講返^^我喺1月11號做咗第2次放胎啦，本來唸住今個月放唔到，點知D時間配合得好好呀，醫生7號才回來，姑娘話如果醫生回來之前排左卵就唔會同我做，醫生回來嗰日其實已經係DAY 14，所以我本來都疊埋心水3月做，點知我7號睇完醫生回來當晚就驗到排卵啦，第日立即再見醫生，勞醫生最後同我驗血，驗完之後就確定在11號放胎啦，真係好彩，醫生遲一日返嚟都無得做
          做完放胎之後打左支安胎針，唔洗塞藥喎，只係15同19號回去打安胎針就可，之後就係等結果，今次放左兩個BB胚胎，希望BB會黐實我唔放啦之但係...........................琴日我換護戰嘅時間....(各位係有D唔好介意)......我聞到護戰上面有D精液味，所以有D擔心BB已經流左出嚟啦不過擔心過後又好快比返D正能量自己，點都仲有一個機會嘛，為有平常心等待結果啦，真係度日如年囉