ivf正式開始

  昨日是M小姐來嘅第一天，所以立即打比偉澤姑娘約左見勞醫生，勞醫生解釋完整個ivf嘅過程比我和老公聽之後就照旦旦，其間我和老公已唸定一連串嘅問題問勞醫生，勞醫生都一一解答晒勞醫生話我有好多旦旦，所以用藥唔洗咁多，每日一針今天才開始第一針，所以今天又要返偉澤學打第一針。

  今日有d唔願起身，因為唔慣咁早起身所以好眼訓，去到偉澤，姑娘就教打針，我同老公都好專心咁學，跟住就要喺姑娘面前打第一支針，姑娘話呢支邊個打，以後就邊個打返，我原本由頭到尾都係唸住自己學打，唸住老公實唔夠膽，其實我自己都有d驚驚地，點知老公自己開口話等佢嚟，佢話驚我緊張同驚，嗰一刻好感動呀，因為我知佢都好驚ga，但為左我都頂住上 到老公臨打落去嗰下我叫左出嚟，因為我見老公臨打落去嗰個動作好似頂飛鏢咁好恐怖呀跟住姑娘唔比我望住，叮一聲就打左啦，一D都唔痛，估唔到老公手世又幾好喎。聽日開始唔洗返偉澤自己喺屋企打，11月3日返去見勞醫生睇下D旦旦進展如何。

ivf之路

好緊張呀!如無意外下個星期就會見到M小姐啦，亦都係我開始ivf嘅路，個心好忐忑呀之前以為自己可以平常心，但原來去到呢刻先知自己咁緊張，個心跳得好快呀help....

回顧過去，浪費時間

講返我點解去睇婦科先:當我發現自己努力左一段時間都未能懷孕時我就去左仁安睇婦科，我足足睇左一年嘅時間，其間她只是開排卵藥比我叫我返去再努力，再過半年還未有聲氣就加埋打破卵針，其實每次睇完個醫生都有D嬲，因為佢只係會叫我返去再努力及開藥比我，至於我唔明白嘅問題每次都解答唔到我心中嘅問號，
列如:me問: 醫生點解我驗唔到我有排卵嘅? 醫生答:睇你D溫度唔似無排卵喎。
 ME問:但係我驗左幾個月都無喎? 醫生再答:應該唔會，返去再努力啦。

如是者就浪費左我一年嘅時間，我唔甘心，所有上網不停睇人地D BLOG，最終見到好多SIS對偉澤嘅評價都幾好，所以就打左去約，姑娘話第一次要見左胚胎專家DR.周先，收費$1300，我當時心唸咁誇張係咪騙人咖，見一見胚胎專家都要收咁貴，點知見完之後我覺得呢$1300好值好底，喺大約30分鐘嘅交談裡面我已經明白左我一直唔明嘅問題同好清晰嘅方向，周醫生問我驗左A、B、C未?  我答未。 周醫生話點解仁安未驗清楚你嘅問題所在就去食排卵藥、打破卵針? 我當然唔知點解啦!我睇得醫生一定信佢啦，佢開咩藥比我我都食咖係咪先。周醫生就叫我停晒所有藥驗清楚先，點知.....一驗之下原來我輸卵管兩邊都塞晒，所以係無可能自然懷孕，成個過程喺偉澤只係一個月嘅時間已清楚知道問題所在，仁安仲叫我努力埋呢幾個月，原本仲約左12月覆診，就咁比佢浪費左我一年嘅時間，真係激死我!

迷信

當一般人去到絕望嘅時間時否就會開始迷信?我自己本身本來不是一個這樣嘅人，但是當你去到無助迷惑嘅時候總希望有一些自稱高人嘅人能夠講一些你心中想聽嘅說話從而得到短暫嘅安慰!
我一直都好想生小孩，但當我知道自己無可能自然懷孕嗰刻反而好平靜，因為自己一直對人地呢個又話有咗嗰個又話幾時生嘅消息成受咗不少嘅壓力及情緒嘅困擾，所以當我知道自己有問題嘅時候反而鬆了一口氣，但隨之而來就係要為開始ivf嘅路而緊張，一直以來都有睇開好多sis寫嘅blog，講什麼iui、ivf嘅blog通通都睇過，就係自己無開，因為之前還滿有信心覺得自己唔須要行到呢步，但現在我就要開始行呢條陌生而又恐懼嘅路，我希望我能夠在這裡一些同路中人互相支持互相都能夠明白大家當中嘅困難和感受! 所有我要寫bolg